Մարդկության պատմության մեջ երկրորդ ամենամեծ ադամանդը հայտնաբերվել է Աֆրիկայում. RBC
- 15:09 22.08.2024
RBC
Հանքարդյունաբերական Lucara Diamond ընկերությունը հայտարարել է Բոտսվանայի Karowe հանքավայրում 2492 կարատանոց (498,4 գրամ) ադամանդի հայտնաբերման մասին։ Գտնված գոհարը, որը դեռ չի ստացել իր սեփական անունը, մեծությամբ երկրորդն է մարդկության պատմության մեջ և ամենամեծը՝ այժմ գոյություն ունեցողների մեջ:
Սրանից մեծ միակ ադամանդը՝ 3106,75 կարատ կամ 621,35 գրամ, հայտնի «Կուլինանը» էր, որը հայտնաբերվել էր 1905 թվականին Հարավային Աֆրիկայում։ Բայց այս քարը 20-րդ դարի սկզբին բաժանվեց ավելի քան հարյուր կտորների։ Կուլինանի կտրված բեկորներից ամենամեծը՝ Աֆրիկայի մեծ աստղը ադամանդը, կշռում է 530,2 կարատ և զարդարում է Էդվարդ VII թագավորի գավազանը, որը պահվում է Բրիտանական աշտարակում։
Lucara Diamond ընկերությունը ոչինչ չի հայտնել իր ծրագրերի մասին։ 2015 թվականին նույն հանքավայրում հայտնաբերված ավելի քան 1100 կարատ կշռող ադամանդը ստացել է Lesedi La Rona («Մեր լույսը») անունը և վաճառվել է 2017 թվականին՝ ամբողջությամբ և չկտրված, 53 միլիոն դոլարով։