Բլինքենը չկարողացավ համոզել Իսրայելին՝ Նեթանյահուին քիչ քայլ է մնացել

Չորեքշաբթի օրը նախագահ Ջո Բայդենը Իսրայելի վարչապետ Բենիամին Նեթանյահուին կոչ է արել Գազայի հատվածում հրադադարի հասնել ՀԱՄԱՍ-ի հետ, քանի որ Գազայի հատվածում հրադադարի շուրջ բանակցությունները փակուղի են մտել:

ԱՄՆ-ի և Իսրայելի ղեկավարները հեռախոսով զրուցել են պետքարտուղար Էնթոնի Բլինքենի մերձավորարևելյան շրջագայությունից ժամեր անց, որի նպատակն էր համաձայնության հասնել տարածաշրջանում աճող լարվածության պայմաններում:

Ավելի վաղ Axios լրատվական գործակալությունը հայտնել էր, որ Բայդենը պատրաստվում է Նեթանյահուի հետ քննարկել Իսրայելի պահանջը՝ վերահսկել Ֆիլադելֆիայի միջանցքը՝ Գազայի և Եգիպտոսի միջև սահմանը, որը իսրայելական ուժերը զավթել են Համասից:

Բայդենն աջակցել է Իսրայելին հոկտեմբերի 7-ին ՀԱՄԱՍ-ի զինյալների կողմից երկրի հարավի վրա հարձակումից հետո: Այնուամենայնիվ, ԱՄՆ-ի և Իսրայելի առաջնորդների հարաբերություններն այժմ սրված են, և Բայդենը Իսրայելին կոչ է արել նվազեցնել քաղաքացիական զոհերի թիվը:

Մեկ օր անց այն բանից հետո, երբ Բլինքենն ասաց, որ Իսրայելն արդեն համաձայնեցրել է Գազայից զորքերի դուրսբերման «ժամանակացույցը և վայրը», Իսրայելի վարչապետ Բենիամին Նեթանյահուն անհամաձայնություն է հայտնել հիմնական հարցերից մեկի՝ Ֆիլադելֆիայի միջանցքի շուրջ:

Պատասխանելով Նեթանյահուի խոսքերի մասին հարցին՝ Բլինքենն ասել է, որ «հակամարտության սկզբից բացարձակապես պարզ էր, որ Միացյալ Նահանգները չի ընդունի Իսրայելի կողմից Գազայի որևէ երկարաժամկետ օկուպացիան»:

Համաշխարհային վերլուծաբանները փորձում են պարզել, թե ինչ է ուզում Իսրայելը։ Նրանք ասում են, որ Համասի և Հեզբոլլահի առաջնորդներին սպանելը չի ​​հանգեցնի այդ կազմակերպությունների վերացմանը, որոնք հիմնված են ոչ թե անձերի, այլ գաղափարախոսության վրա։ Նույնիսկ հրեա վերլուծաբաններն ասում են, որ ժամանակն է ճանաչել Պաղեստինը և համագործակցություն հաստատել տարածաշրջանում: Բայց Նեթանյահուի համար սա նման է մահվան։

ՀԱՄԱՍ-ի և Հեզբոլլահի առաջնորդների սպանությունները, ըստ վերլուծաբանների, կարող էին նպատակ ունենալ Իրանին ներքաշել մեծ պատերազմի մեջ, սակայն Թեհրանը ռազմավարական զսպվածություն է ցուցաբերել: Իրանի կողմից հակահարված տալու միայն սպառնալիքներն արդեն իսկ մեծ իրարանցում են առաջացրել տարածաշրջանում: ԱՄՆ-ը 5 ավիակիր է ուղարկել Մերձավոր Արեւելք՝ փաստորեն ցույց տալով, որ Իսրայելն ի վիճակի չէ ինքնուրույն պաշտպանվել, եւ ժամանակավորապես ծածկել աքիլեսյան գարշապարը։

Ավելին, Իրանի սպառնալիքները հանգեցրին Իսրայելի ղեկավարության հայտարարությանը Ադրբեջանից, այսինքն՝ Արցախի օկուպացված տարածքներից իր զինուժի դուրսբերման մասին։

Այս ֆոնին Նեթանյահուին մնացել են քիչ քայլեր, և ԱՄՆ-ն ասում է, որ դրանց թիվը օրեցօր նվազում է: