Ֆրանսիայում ձերբակալել են Տելեգրամի հիմնադիր Դուրովին, որը վերադառնում էր Բաքվից

Օգոստոսի 25-ի գիշերը Փարիզի Լե Բուրժե օդանավակայանում ձերբակալվել է ռուսաստանցի գործարար, հանրահայտ Telegram մեսենջերի հիմնադիր, 39-ամյա Պավել Դուրովը։ Ձերբակալության մասին հայտնել են ֆրանսիական լրատվամիջոցները։ Դուրովը Լե Բուրժե է ժամանել մասնավոր ինքնաթիռով։ Այնտեղ նրան անմիջապես ձերբակալել են օդային տրանսպորտի ժանդարմերիայի աշխատակիցները։

Ըստ լրատվամիջոցների՝ ձեռնարկատերը հետախուզման մեջ է, քանի որ նա հրաժարվել է համագործակցել իրավապահ մարմինների հետ՝ կապված Telegram-ի հանցավոր գործունեության մեջ ներգրավվելու հետ: Սա, հավանաբար, կարող է նրան հանցակից դարձնել մի շարք ծանր հանցագործությունների, օրինակ՝ խարդախության, թմրանյութերի տարածման, մանկական պոռնոգրաֆիայի և այլն:

«Երկար տարիներ (Telegram-խմբ.) եղել է կազմակերպված հանցավորության թիվ 1 հարթակը»,- ​​լրագրողներին ասաց հետաքննության ներկայացուցիչը։

Ռուս գործարարին կարող է սպառնալ մոտ 20 տարվա ազատազրկում։ Նա այժմ կալանքի տակ է։

Հիշեցնենք, որ մինչ այդ Դուրովը երեք շաբաթ է անցկացրել Բաքվում, և, ինչպես գրում են փաբլիկները, հույս ուներ հանդիպել այնտեղ այցելած Պուտինի հետ։ Սակայն Պուտինը, ինչպես նշվում է, հրաժարվել է հանդիպումից։ Ընդ որում, Դուրովը Ալիեւի հետ ավելի քան բարեկամական հարաբերությունների մեջ է։

Վերլուծաբաններն ասում են, որ Ֆրանսիայում Դուրովի ձերբակալությունը կապված է Ալիևի հետ սերտ հարաբերությունների հետ, ով վերջին ամիսներին ստանձնել է գլխավոր ԱնտիՖրանկի դերը:

Ալիևն ու Պուտինը Բաքվում պայմանավորվել են վեջնականապես սեղմել Հայաստանին ռուս-թուրքական աքցանի մեջ և խեղդել նրան, ինչին մինչ այժմ դիմադրում են Ֆրանսիան և Իրանը։