Փաշինյանը կմասնակցի BRICS-ի գագաթնաժողովին
- 16:38 06.09.2024
Կազանում կայանալիք BRICS-ի (ԲՐԻԿՍ) գագաթնաժողովին Հայաստանը մասնակցելու է վարչապետ Նիկոլ Փաշինյանի մակարդակով, տեղեկությունը «Ազատությանը» փոխանցեց վարչապետի մամուլի քարտուղար Նազելի Բաղդասարյանը։
Նախօրեին ԱԳ փոխնախարար Մնացական Սաֆարյանը լրագրողների հետ զրույցում հաստատել էր Հայաստանի մասնակցությունը ինչպես BRICS-ի գագաթնաժողովին, այնպես էլ ԱՊՀ ոչ պաշտոնական գագաթնաժողովին, սակայն չէր նշել ինչ մակարդակով:
BRICS-ի (Բրազիլիա, Ռուսաստան, Հնդկաստան, Չինաստան և Հարավային Աֆրիկա) ամենամյա գագաթնաժողովը անցկացվելու է հոկտեմբերի 22-24-ը Կազանում։