Փաշինյանը ժողովրդից ներողություն է խնդրում “ավելի մեծ պետություն ունենալու” համար
- 14:20 16.09.2024
Հայեցակարգային երկընտրանքը, որ այսօր քննարկվում է մեր երկրում, հետևյալն է. ինչի՞ համար է Հայաստանի Հանրապետությունը՝ ֆորպոստ, հենման կետ, տարածքով ավելի մեծ պետություն ունենալու համա՞ր (Պատմական Հայաստանի հայեցակարգ), թե մեխանիզմ իր միջազգայնորեն ճանաչված տարածքում սեփական քաղաքացիների բարեկեցությունը ապահովելու համար (Իրական Հայաստանի հայեցակարգ), այն ընկալմամբ, որ բարեկեցության անբաժանելի տարրերն են լավ ապրուստը, ազատությունը, արդարությունը, անվտանգությունը: Ֆեյսբուքյան էջում այս հարցադրմանն է անդրադարձել վարչապետ Նիկոլ Փաշինյանը։
«Համոզմունքս այն է, որ մեր ժողովուրդը շատ վաղուց է կատարել իր ընտրությունը՝ հօգուտ Իրական Հայաստանի: Բայց մենք՝ տարբեր ժամանակներում կառավարողներս, նրան չենք լսել, այլ ըստ էության մեր ժողովրդին պարտադրել ենք ապրել «պատմական ցիկլի» մեջ: Հենց սրա համար է, որ պետք է ներողություն խնդրենք մեր ժողովրդից ու ես խնդրում եմ իմ բաժին ներողությունը»,- գրել է նա:
Փաշինյանը գրառումը մարմնավորում է վերջին 6 տարվա քաղաքականությունը, երբ ամեն ինչ արվեց “ավելի մեծ պետություն” չունենալու համար։ Հասարակությունը իրոք ընտրության առջեւ էր՝ ոչ ոք չեր ուզում, որ իրենց տղաները ծառայեն եւ հատկապես զոհվեն, բայց կար գիտակցում, որ դա արվում է հանուն երկրի արժանապատվության եւ տարածքային ամբողջականության։
Հիմա պարզվում է, որ դա զուր էր, եւ կարեւորը ոչ թե արժանապատվությունն ու երկրի տարածքն է, այլ բարեկեցությունը։ Ոչինչ, որ Արցախը չկա, վաղը Սյունիքը չի լինելու, կարեւոևը՝ կուշտ լինենք, խաչմերուկի հյուրանողներում եւ քյաբաբնոցներում գործ ունենանք եւ կարողանանք տարին մեկ անգամ Դուբայ գնալ էժան տուրով։ Ներողություն, որ մինչեւ հիմա չենք հասկացել երջանկության իմաստը։