Ամոթ է․ գնացեք եւ հղփացեք ձեր իշխանությունով
- 13:51 19.09.2024
Այս օրը մեկ տարի առաջ Արցախում տեղի է ունեցել հայոց պատմության մեջ ամենաողբերգական իրադարձություններից մեկը։ Հայաստանի կառավարությունը առ այս պահը ոչ մի բառ չի ասել այդ կապակցությամբ, չհաշված ԱԳՆ հերթափոխ հայտարարությունը։ Կառավարության անդամները սակայն իրենց գնահատականներն են տալիս, անցնելով անամոթության չափը։
Սեպտեմբերի 19-ին, կառավարության նիստից հետո լրագրողների հետ զրույցում էկոնոմիկայի ՔՊ-ական նախարար Գեւորգ Պապոյանը ասել է․
“Երկրորդ և երրորդ նախագահների թիմերը ճնշում էին գործադրում ՀՀ իշխանությունների նկատմամբ, թե ինչու ամեն ինչ չեք անում, որ ԼՂ բնակչությունը հնարավորինս արագ լքի ԼՂ տարածքը, ասել է նա։ «Բնականաբար, պատճառը մեկն էր, որ նրանք ունենային 100 հազար ավել կամ քիչ ցուցարար, ինչը կարող էր ավելացնել իշխանությունը զավթելու իրենց հնարավորությունը”:
Բոլոր իրադարձությունների չափման միավորը, փաստորեն, իշխանություն պահելն է։ Գնացեք եւ հղփացեք ձեր իշխանությունով։