Էրդողանը Նյու Յորքում բանակցություններ կվարի Զելենսկու, Փաշինյանի եւ Փեզեշքիանի հետ
- 10:34 23.09.2024
Թուրքիայի նախագահ Ռեջեփ Թայիփ Էրդողանը ԱՄՆ այցի շրջանակում, որտեղ կմասնակցի ՄԱԿ Գլխավոր վեհաժողովին, բանակցություններ կվարի Վլադիմիր Զելենսկու, Հայաստանի վարչապետ Նիկոլ Փաշինյանի եւ Իրանի նախագահ Մասուդ Փեզեշքիանի հետ, տեղեկացրել է Sabah-ը։
«Էրդողանը երկկողմ հանդիպումներ կունենա շատ առաջնորդների հետ եւ կընդունի նրանց մեծ մասին Նյու Յորքում թուրքական դիվանագիտության խորհրդանիշ հանդիսացող «Թուրքական տանը» (շենքը գտնվում է Նյու Յորքում ՄԱԿ կենտրոնատեղիի դիմաց)։ Նրանց մեջ, ում կընդունի Էրդողանը, Իրաքի վարչապետ Մոհամեդ Շիա Ալ Սուդանին է, Նիդեռլանդների վարչապետ Դիկ Սհուֆը, ՄԱԿ գլխավոր քրատուղար Անտոնիու Գուտերիշը, Հայաստանի վարչապետ Նիկոլ Փաշինյանը, Վլադիմիր Զելենսկին, Քուվեյթի թագաժառանգ, շեյխ Սաբահ Հալեդ Ալ-Համադ Ալ-Սաբահը, Իրանի նախագահ Մասուդ Փեզեքշիանը , Գերմանիայի կանցլեր Օլաֆ Շոլցը, Ալբանիայի վարչապետ Էդի Ռաման եւ Սերբիայի նապխագահ Ալեքսանդր Վուչիչը»,- գրել է պարբերականը։