Իսրայելը նոր հարվածներ է հասցնում Լիբանանին
- 12:01 28.09.2024
Իսրայելի զինված ուժերն այսօր վաղ առավոտյան նոր հարվածներ են հասցրել «Հեզբոլա»-ի հարավային շտաբի ուզզությամբ Բեյրութում և արևելյան Լիբանանի Բեքաա հովտում:
Իսրայելը նախօրեին հարվածել էր Լիբանանի մայրաքաղաք Բեյրութին: Իսրայելական կողմը հայտարարում է, թե թիրախավորել է «Հեզբոլա»-ի կենտրոնակայանը։ Ըստ իսրայելական լրատվամիջոցների, ուղղված էր «Հեզբոլա»-ի առաջնորդ Հասան Նասրալլայի դեմ:
Իսրայելական լրատվամիջոցները սեպտեմբերի 28-ին հայտնել են, որ Նասրալլայի դուստրը՝ Զեյնաբ Նասրալլան, սպանվել է։ «Հեզբոլա»-ն չի հաստատել տեղեկությունը:
Իսրայելի բարձրաստիճան պաշտոնյան ասել է, որ թիրախ են դարձել «Հեզբոլա»-ի բարձրագույն հրամանատարները:
«Կարծում եմ, որ դեռ վաղ է ասել… Երբեմն նրանք թաքցնում են փաստը, երբ մենք հաջողության ենք հասնում», – լրագրողներին ասել է իսրայելցի պաշտոնյան՝ պատասխանելով հարցին, թե արդյոք սպանվել է Նասրալլան:
Իսրայելի պաշտպանության բանակի մամուլի ծառայությունը մի քանի րոպե առաջ հայտնել է, որ նախօրեին Իսրայելի պաշտպանության բանակը սպանել է ահաբեկչական «Հըզբոլլահ» կազմակերպության առաջնորդ Հասան Նասրալլահին և նրա հիմնադիրներից մեկին, ինչպես նաև «Հըզբոլլահի» հարավային ճակատի հրամանատար Ալի Կարաքին և Հըզբոլլահի այլ հրամանատարների։