Միշուստինը մեկնում է Իրան, այնուհետեւ Հայաստան․ վերջին զգուշացումը մինչ Զանգեզուրի ճեղքումը

Մերձավոր Արևելքում աճող լարվածության ֆոնին Կրեմլը հայտնել է, որ վարչապետ Միխայիլ Միշուստինը սեպտեմբերի 30-ին կմեկնի Թեհրան՝ հանդիպելու Իրանի նախագահ Մասուդ Փեզեշքիանի հետ։

Մոսկվան խստորեն դատապարտել է Լիբանանում Իրանի կողմից աջակցվող «Հեզբոլլա»-ի զինյալների վրա Իսրայելի հարձակումները:

ՌԴ վարչապետ Միխայիլ Միշուստինը հոկտեմբերի 1-ին աշխատանքային այցով կմեկնի Հայաստան, հայտնում է ՏԱՍՍ-ը՝ հղում անելով ՌԴ կառավարության մամուլի ծառայությանը։

ՌԴ վարչապետը կմասնակցի Եվրասիական միջկառավարական խորհրդի 40-րդ նիստին և Եվրասիական տնտեսական ֆորումի լիագումար նիստին։

Մոսկվան փորձագիտական մակարդակում փորձում է համոզել Իրանին հակահարված տալ Իսրայելին, այդպիսով մեծ պատերազմ հրահրելով եւ թույլ չտալով Իրանի եւ Արեւմուտքի մերձեցումը։ Իրանի նոր նախագահը նոր է վերադարձել ԱՄՆ-ից, որտեղ հայտարարել է իր երկրի նման մտադրության մասին։ Մինչ այդ Իրանը պաշտոնապես մեղադրեց Ռուսաստանին հայ-իրանական սահմանը զավթելու եւ միջանցք բացելու մտադրության մեջ։

Իրանի եւ Արեւմուտքի մերձեցումը թույլ չտալու Ռուսաստանի գլխավոր միջոցը՝ այսպես կոչված Զանգեզուրի միջանցքն է, որով կմասնատվի Հայաստանը եւ կխափանվի Իրանի եւ Արեւմուտքի կապը։ 

Միշուստինի այցը կարող է “վերջին զգուշացումը” լինել՝  Զանգեզուրի միջանցքը ռազմական ճանապարհով ճեղքելու առաջ։ Բաքվում արդեն տրտնջում են, որ Ռուսաստանը փորձում է Ադրբեջանի ձեռքերով հարված հասցնել Իրանին եւ Արեւմուտքին։