Ջերմաստիճանը կբարձրանա 6 աստիճանով

Հայաստանում օդերևութաբանները կանխատեսում են օդի ջերմաստիճանի բարձրացում 6 աստիճանով։ Այս մասին հայտնում են Հիդրոօդերեւութաբանության և մոնիտորինգի կենտրոնից։

Նշվում է, որ հոկտեմբերի 4-8-ը հանրապետությունում սպասվում է առանց տեղումների եղանակ։ Օդի ջերմաստիճանը հոկտեմբերի 6-8-ը կբարձրանա 3-6 աստիճանով.

Այսպես, Շիրակում օդի ջերմաստիճանը հոկտեմբերի 4-ին կկազմի +18 աստիճան, իսկ հոկտեմբերի 4-ից՝ 21։ Կոտայքում սպասվում է համապատասխանաբար +21 և +23 աստիճան։ Գեղարքունիքում հոկտեմբերի 4-ին կանխատեսվում է +17, իսկ հոկտեմբերի 6-ին՝ արդեն +19 աստիճան տաքություն։

Լոռիում հոկտեմբերի 4-ին օդը կտաքանա մինչև +22, 6-ին ջերմաստիճանը չի փոխվի։ Տավուշում հոկտեմբերի 4-ին կլինի +23, իսկ հոկտեմբերի 6-ին՝ +25։ Արագածոտնում հոկտեմբերի 4-ին և 6-ին սպասվում է համապատասխանաբար +23 և +24:

Արարատում, Արմավիրում, Վայոց Ձորում հոկտեմբերի 4-ին օդի ջերմաստիճանը կլինի +26, իսկ հոկտեմբերի 6-ին՝ +27: Սյունիքում հոկտեմբերի 4-ին և 6-ին օդը կտաքանա համապատասխանաբար մինչև +25 և +27 աստիճան:

Երևանում հոկտեմբերի 4-ին սպասվում է նաև առանց տեղումների եղանակ։ Այսօր Հայաստանի մայրաքաղաքում օդի առավելագույն ջերմաստիճանը կկազմի +24 աստիճան։ Իսկ հոկտեմբերի 6-ին օդը կտաքանա մինչև +26 աստիճան։