Զախարովա․ չէ որ այդ հայերը հայտնվել են Բաքվում ռուսների ձեռամբ

«Ինձ մոտ այնպիսի տպավորություն է, որ ամերիկացի կոնգրեսականները (հասկանում եմ, որ նրանք գումար են ստանում իրենց միջազգային լոբբինգի համար։ Նրանք դա չեն թաքցնում), բայց ինձ թվում է, որ նրանք այլ անելիք ունեն»։ Այս մասին այսօր՝ հոկտեմբերի 9-ին, ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

Այսպես, նա պատասխանել է ադրբեջանցի լրագրողի հարցին, ով չափազանց դժգոհ էր մոտ 60 ամերիկացի կոնգրեսականների՝ ԱՄՆ պետքարտուղար Էնթոնի Բլինքենին ուղղված կոչից՝ Ադրբեջանի նախագահ Իլհամ Ալիևի վրա ճնշում գործադրելու և ապօրինի պահվող հայ բանտարկյալների ազատ արձակման խնդրանքով։ Նրանք պահանջել են Բաքվի բանտերից ազատել բոլոր քաղբանտարկյալներին COP 29 կլիմայական համաժողովի նախօրեին, որը տեղի կունենա Բաքվում։

«Կարծում եմ՝ անիմաստ է ճնշում գործադրել Ադրբեջանի վրա։ Ադրբեջանի վրա մեկ անգամ չէ, որ ճնշում է գործադրվել տարբեր հարցերի շուրջ»,- ասել է Մարիա Զախարովան։

Մարիա Զախարովան բնականաբար չի աջակցել Արցախում ռուսական զորքերի առաջարկով Բաքվում հայտնված հայ գերիներին ազատ արձակելու կոչերին։