Ակցիաներին մասնակցել են գերիների հարազատները․ ազատ արձակեք Դավիթին եւ մյուսներին
- 15:12 11.10.2024
Բաքվում ապօրինաբար պահվող հայ ռազմագերիների և պատանդներին ազատ արձակելու պահանջով ակցիաներին մասնակցել են նրանց հարազատները։
Նելսոն Ալլահվեդյանը 2023 թվականի սեպտեմբերի 19-ին Արցախի Ասկերանի շրջանի Սզնեք գյուղից գերեվարված Դավիթ Ալլահվերդյանի հայրն է։ Վերջին անգամ որդուն տեսել է գյուղում։
-Նա ասաց, որ վտանգավոր է գյուղում մնալ ու հորդորեց դուրս գալ, ասելով, որ ինքը նույնպես կմիանա մեզ։ Սակայն այդպես էլ չեկավ և մեր համագյուղացի 3 հոգու հետ գերեվարվեց։ Դասախոսում էր Հայաստանի ագրարային համալսարանի Արցախի մասնաճյուղում։ Երեք երեխա ունի, որոնք ամեն օր սպասում են հոր վերադարձին ու հարցեր տալիս, որոնց պատասխանները ես չունեմ,-ասում է Նելսոն Ալլահվերդյանը և ավելացնում,-մեր պահանջը մեկն է՝ ազատ արձակել Բաքվում ապօրինաբար պահվող ռազմագերիներին։
Կարինե ԲԱԽՇԻՅԱՆ