Իսրայելը հաստատել է ՀԱՄԱՍ-ի առաջնորդ Յահյա Սինվարի սպանությունը Գազայում

BBC

Իսրայելի արտգործնախարար Իսրայել Կացը հաստատել է, որ պաղեստինյան ՀԱՄԱՍ խմբավորման առաջնորդ Յահյա Սինվարը սպանվել է Գազայի հատվածում։ Ավելի վաղ իսրայելցի զինվորականները խոսել էին նրա հնարավոր մահվան մասին։

Իսրայելի պաշտպանության բանակը հայտնել է, որ Սինվարը սպանվել է հոկտեմբերի 16-ին Գազայի հատվածում գործողության ժամանակ:

«Յահյա Սինվարը ծրագրել և իրականացրել է [իսրայելցիների] կոտորածը հոկտեմբերի 7-ին [2023], քարոզել է իր մարդասպան գաղափարախոսությունը պատերազմի մեկնարկից առաջ և հետո և պատասխանատու է բազմաթիվ իսրայելցիների սպանության և առևանգման համար», – ասվում է հայտարարության մեջ:

Նախկինում Իսրայելի պաշտպանության բանակը հայտնել էր, որ «Գազայի հատվածում Իսրայելի պաշտպանության բանակի գործողությունների ժամանակ սպանվել է երեք ահաբեկիչ», որոնցից մեկը կարող է լինել Սինվարը: Ըստ իսրայելական մամուլի՝ մյուս երկու սպանվածները եղել են ՀԱՄԱՍ-ի առաջնորդի անվտանգության աշխատակիցները։

Իսրայելի իշխանությունների հայտարարության համաձայն՝ շենքում, որտեղ ահաբեկիչները «լուծարվել են», իսրայելցի պատանդների հետքեր չեն եղել։