Արցախցիներին բնակեցման համար առաջարկվող բնակավայրերում անգամ բնակիչ չկա
- 09:47 18.10.2024
Սյուզի Օհանյան-ը գրում է․
Կառավարությունը ՀՀ-ում առանձնացրել է 390 բնակավայր և արցախցիներին առաջարկում է մեկ անձին տրվող 4-5 միլիոն դրամ աջակցության դիմաց այդ բնակավայրերում տուն կառուցել կամ բնակարան գնել։ Ասում են, այդ բնակավայրերն առաջնահերթություն են պետության համար և առաջիկայում նախատեսվում են այնտեղ զարգացման ծրագրեր իրականացնել։
Վայոց ձորի մարզում առանձնացվել է 44 բնակավայր։ Մեր ուսումնասիրությամբ՝ դրանցից 12-ում չկա գործող դպրոց, 36-ում՝ մանկապարտեզ, 2-ում խմելու ջուր չկա, 35-ում՝ բնական գազ, իսկ առաջարկվող բնակավայրերից 7-ում ընդհանրապես բնակչություն էլ չկա։
Գործնականում անհնար է միանգամից 390 բնակավայրում զարգացման ծրագրեր իրականացնել՝ կառուցել դպրոցներ, մանկապարտեզներ, բուժհաստատություններ, լուծել ջրի խնդիրը կամ ապահովել գազով։ Հետևաբար, հարց է առաջանում՝ ինչ պետք է անի արցախցի ընտանիքը, օրինակ, Վայոց ձորի Ուղեձոր բնակավայրում, եթե որոշի այնտեղ տուն կառուցել։ Կամ պատրաստվո՞ւմ է կառավարությունը Ուղեձորում բնակություն հաստատած մեկ արցախցի ընտանիքի համար վերականգնել այնտեղի բոլոր ենթակառուցվածքները։
CivilNet-ը քարտեզավորել է, որտեղ են հիմա բնակվում արցախցիները։