Ալեն Սիմոնյանն արդարացրեց Բաքվի հարձակումը Արցախի վրա․ իրավունք ունեին
- 19:37 19.10.2024
Պատասխանելով Ազատության հարցերին, Ալեն Սիմոնյանը արդարացրեց Ադրբեջանի հարձակումը Արցախի վրա, հետեւաբար՝ հայերի ցեղասպանությունը եւ բնակչության տեղահանումը։
“Հարձակվել Ղարաբաղի վրա և Հայաստանից տարածքներ օկուպացնել տարբեր բաներ են իրավունքի տեսակետից։ Ադրբեջանն արեց Ղարաբաղում մի գործողություն, որի տակ ինքն ուներ առնվազն 3-4 ՄԱԿ-ի բանաձև”, ասել է Ալեն Սիմոնյանը։
Հայաստանի իշխանություններն ավելի նախանձախնդիր են պաշտպանում Արցախը ոչնչացնելու Բաքվի “իրավունքը”, քան նույնիսկ Ալիեւը։ Բաքվի ղեկավարներն, օրինակ, բանից հասկացող մարդկանց մոտ աշխատում են չխոսել ՄԱԿ-ի բանաձեւերից, քանի որ գիտեն՝ նրանք Արցախի իրավունքների մասին են, եւ Բաքվին ոչ մի իրավունք չեն տալիս, առավել եւ՝ ցեղասպանության։
ՄԱԿ-ի բանաձեւերով Արցախի վրա հարձակումները արդարացնելը ոչ միայն ցինիզմի գագաթնակետն է, այլեւ արհամարանք սեփական ժողովրդի իրավուքներին եւ պետությանը հանդեպ։ Ազգային իրավունքներից հրաժարվելու այս կարգի ջանասիրությունը բերել է դրան, որ Հայաստանը հայտնվել է եզրին։ Հենց Սիմոնյանի խոսքերով։
“Ի՞նչ նոր զիջումների մասին է խոսքը. Հայաստանը միջազգային իրավունքի, իր ինքնիշխանության եզրագծին եկել և կանգնել է և այլևս զիջումների տեղ չունի”, ասել է նա։
Հայաստանի իշխանությունը կզիջի եւ ինքնիշանությունը․ ՄԱԿ-ի բանաձեւերում արդարացում հաստատ կգտնվի։ Չէ որ իշխանության հնարամտությունը եզրեր չունի։