ԱՄՆ-ում սկանդալ է. համացանցում հայտնվել են Իրանին հարվածելու իսրայելական ծրագրերի գաղտնի փաստաթղթեր
- 16:50 20.10.2024
Միացյալ Նահանգները հետաքննում է Իրանի դեմ վրեժխնդիր լինելու Իսրայելի պլանների վերաբերյալ ամերիկյան խիստ գաղտնի հետախուզական տվյալների արտահոսքը, ասել են գործին ծանոթ երեք անձինք: Նրանցից մեկը հաստատել է փաստաթղթերի իսկությունը, հաղորդում է CNN-ը։
Արտահոսքը կարող է խաթարել ԱՄՆ-ի և Իսրայելի միջև առանց այն էլ լարված հարաբերությունները: Այս շաբաթ սոցցանցերի հարթակներում հայտնվեցին փաստաթղթեր, որոնք ցույց են տալիս, որ ԱՄՆ գաղտնի հետախուզությունը հավաքվում է Իրանին հնարավոր պատասխան հարված հասցնելու Իսրայելի նախապատրաստման վերաբերյալ տվյալներ՝ թվագրված հոկտեմբերի 15-ին և 16-ին:
Փաստաթղթերը դասակարգված են որպես «հույժ գաղտնի» և ունեն նշումներ, որոնք ցույց են տալիս, որ դրանք կարող են տեսնել միայն Միացյալ Նահանգները և նրա ՞հինգ աչքերի՞ դաշնակիցները՝ Ավստրալիան, Կանադան, Նոր Զելանդիան և Միացյալ Թագավորությունը:
Փաստաթղթերը կոնկրետ մանրամասներ են պարունակում զինամթերքի տեսակների և քանակի մասին, որոնք Իսրայելը պատրաստում է լայնածավալ հարձակման Իրանի վրա՝ ի պատասխան ռեժիմի կողմից սեպտեմբերի վերջին մոտ 200 բալիստիկ հրթիռների արձակման: