Մոլդովայում եվրաինտեգրման հանրաքվե․ սփյուռքը օգնեց, ի՞նչ կլինի Մերձդնեստրի հետ

Մոլդովայի Կենտրոնական ընտրական հանձնաժողովը հաշվել է կիրակի օրը Մոլդովայում կայացած եվրաինտեգրման հանրաքվեի բոլոր քվեաթերթիկները. 50,46%-ը կողմ է արտահայտվել ԵՄ-ին, իսկ 49,54%-ը՝ դեմ։ Արտերկրում բնակվող մոլդովացիներն ամենաշատն են քվեարկել ԵՄ-ին ինտեգրվելու օգտին։

Դեռ ձայների հաշվարկի ավարտից առաջ նախագահ Սանդուն մեղադրել է Մոլդովայի ռուսամետ ուժերին երկրում իրավիճակը ապակայունացնելու և ընտրություններին միջամտելու փորձերի մեջ։ Նրա խոսքով, «հանցավոր խմբերը», իբր, ծրագրել են գնել 300 հազար մոլդովացիների ձայները։ Հանրաքվեն, ի դեպ, անցկացվել է նաեւ ռուսամետ Մերձդնեստրում։

Կրեմլը հայտնել է, որ Մոլդովայի իշխանությունները կեղծել են հանրաքվեի արդյունքները։ Նրանք զարմացած են, թե ինչպես են փոխվել վերջնական թվերը ձայների հաշվարկի վերջնական փուլում։

Փաստորեն, սփյուռքը օգնեց Մոլդովային ընտրել եվրոպական ինտեգրումը։ Նշենք, որ Ռումինիայում ապրում է մոլդովական մեծ սփյուռք, Մոլդովան հաճախ հաճախ համարվում է Ռումինիայի մաս։ Շատ ռոմանախոս մոլդովացիներ աշխատում են եվրոպական երկրներում: 

Հիմա, երբ սկսվի եվրաինտեգրման գործընթացը, անհասկանալի է, ինչ է լինելու Մերձդնեստրի հետ, որտեղ տեղակայված են ռուսական զորքեր։