ՏԵՂավորված մի ղարաբաղցի ասում էր “սա էլ Հայաստանի Թալիշն է…”

Տեղ գյուղ: Չնայած ես հենց այնտեղ էի, բայց փնտրեցի, թե հայերեն Վիքին ինչ կարող է ասել լրացուցիչ: Պարզվում է, այն գտնվում է Գորիս-Ստեփանակերտ նախկին մայրուղու վրա, ծովի մակարդակից մոտ 1350-1400մ բարձրության վրա։

Նախկի՞ն…Արդե՞ն… Սպասեք գոնե բուղը նստի:

Տարօրինակ մի զգացողություն է այսՏԵՂ, Երբ գիտակցում ես, որ այն, ինչ տեսնում ենք ադրբեջանական սոցիալական մեդիայում, տեղի է ունենում հենց այս սարերի հետեւում, այսքան մոտ մեզանից:

ՏԵՂացի մի պապիկ ասում էր, որ Ղարաբաղից մի 5-6 ընտանիք են գյուղում ապրում: Ոմանք վարձով, ոմանց էլ տանտերը հյուրընկալում է: ՏԵՂավորված մի ղարաբաղցի էլ ասում էր “սա էլ Հայաստանի Թալիշն է…”: Ցավոք, հենց այդպիսի տպավորություն է: Ով ժամանակին եղել է Թալիշում, հաստատ կզգա դա:

Մարութ Վանյան