Խորհրդարանն առաջին անգամ հաստատեց Կարսի պայմանագրով եւ Ստալինի կողմից գծված սահմանները
- 10:31 23.10.2024
ԱԺ նիստում ՔՊ խմբակցությունը վավերացրեց «Հայաստանի Հանրապետության եւ Ադրբեջանի Հանրապետության միջեւ պետական սահմանի սահմանազատման եւ սահմանային անվտանգության հարցերով հանձնաժողովի ու Ադրբեջանի Հանրապետության եւ Հայաստանի Հանրապետության միջեւ պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին օրենքի նախագիծը։
«Հայաստան» եւ «Պատիվ ունեմ» խմբակցությունները չմասնակցեցին այս նախագծի քննարկմանն ու քվեարկությանը՝ հայտարարելով, որ սա հակասահմանադրական ու հակաօրինական գործընթաց է։
Վերջին օրերին խորհրդարանում հարցուպատասխանի ժամանակ փոխվարչապետ Մհեր Գրիգորյանը չպատասխանեց հարցերին, թե այսպես կոչված սահմանազատման գործընթացի շրջանակներում ՀՀ տարածքներն օկուպացրած ադրբեջանցիները երբ են հետ քաշվելու:
Կանոնակարգը կլինի խորհրդարանի կողմից հաստատված առաջին փաստաթուղթը, որով Հայաստանը պաշտոնապես ճանաչում է «խորհրդային սահմանները»։ Խոսքը ոչ միայն Ադրբեջանի հետ «սահմանի» մասին է, որը գծել է Ստալինը, այլ նաև Թուրքիայի հետ սահմանի մասին, որը սահմանվել է 1921 թվականի Կարսի անօրինական պայմանագրով։