Թրամփի և Հարիսի միջև տարբերությունն աննշան է

ВВС

ԱՄՆ նախագահական ընտրություններին մնացել է երկու շաբաթ, նոր հարցումները ցույց են տալիս, որ Դոնալդ Թրամփը գրեթե հավասարվել է Կամալա Հարիսին առանցքային նահանգներում, որոնք կորոշեն, թե ով է լինելու Սպիտակ տան հաջորդ բնակիչը:

Երկուշաբթի հրապարակված Washington Post-Schar դպրոցի հարցումը ցույց է տվել, որ երկու թեկնածուները գրեթե հավասար են Արիզոնայում, Ջորջիայում, Միչիգանում, Նևադայում, Հյուսիսային Կարոլինայում, Փենսիլվանիայում և Վիսկոնսինում, որոնք բոլորը կրիտիկական նահանգներ են:

Հարցումը նաև ցույց է տվել, որ Թրամփն ու Հարիսը ազգային մակարդակում հավասար են՝ 47-ական տոկոս: Վերջին շաբաթների հարցումների մեծամասնությունը Հարրիսին մի փոքր առավելություն էր տալիս:

Արդյունքները համընկնում են տասնյակ ամերիկյան հարցումների ագրեգատորի տվյալների հետ, որոնք վարում է Financial Times-ի բրիտանական հրատարակությունը:

Ըստ FT-ի տվյալների, ինչպես առանցքային նահանգներում, այնպես էլ ազգային միջին ցուցանիշով Թրամփն ու Հարիսը հավասար են: Չորս կարևորագույն շրջաններում հարցումների տարբերությունը կես տոկոսային կետից պակաս է:

Հյուսիսային Կարոլինայում, Փենսիլվանիայում և Միչիգանում ոչ մի թեկնածու չի գերազանցում մյուսին ավելի քան երկու տասներորդ տոկոսային կետով: Ընդ որում, ոչ մի թեկնածու չի կարողանա հաղթել ընտրություններում՝ առանց այդ նահանգներից գոնե մեկում հաղթելու։