«Մկների ժողով»․ փնտրվում է Սահմանադրությունը փոխելու “զանգ կախող” նախարար
- 13:16 24.10.2024
Գրիգոր Մինասյանին արդարադատության նախարարի պաշտոնից «տշելուց» հետո ՔՊ-ն փորձում է փնտրել միմարդու, որը իր վրա կվերցնի Հայաստանի Սահմանադրությունը փոխելու, ըստ այդմ՝ Երրորդ հանրապետությունը լուծարելու “զանգը կախելու” առաքելությունը։ Քանի որ, ըստ մամուլի, Փաշինյանը ինքը աշխատում է “պատասխանատու” փաստաթղթեր անձամբ չստորագրել, պետք է մեկը, ով իր վրա կվերցնի ամբողջ պատասխանատվությունը։ Մհեր Գրիգորյանն, ըստ երեւույթին, պատրաստ չէ միայնակ կրել ամբողջ բեռը։
“Այստեղ մենք բազմաթիվ խնդիրներ ունենք, նաև հայ-ադրբեջանական խաղաղության պայմանագրի տեսանկյունից ենք նայում. պետք է մասնագետ լինի, որ այդ պայմանագրի հետ առնչություն ունենա», մեկնաբանելով արդարադատության նախարարի ընրությունը ՔՊ-ում, ասել է բազմաչարչար Ալեն Սիմոնյանը։
Խոսքը, անշուշտ, եւ խաղաղության պայմանագրի, եւ Սահմաանդրության փոփոխության մասին է։ Չէ որ Գրիգոր Մինասյանի վրա ճնշում սկսեցին գործադրել այն բանից հետո, երբ նա Սահմանադրական հանձնաժողովում չընդունեց “մեծամասնության” մասով Սահմանադրության մեջ փոփոխություն անելու առաջարկը։ Նաեւ հայտարարեց, որ մինչեւ 2027 թվականը Սահմանադրությունը չի փոխվի։ Թեկուզ հայտարարվել է, որ Փաշինյանն է սահմանադրական բարեփոխումների հանձնաժողովին հանձնարարել մինչեւ 2026-ի դեկտեմբեր ներկայացնել բարեփոխումների հայեցակարգը, ո՞վ գիտի, կարող է Փաշինյանը չէր, այլ հենց Մինասյանը։
Բոլորը գիտեն այդ պատմությունը, դրա համար չեն ուզում նախարար նշանակվել։ Իսկ ով ուզում է, չի անցնում Փաշինյանի “քննությունը”։
“Հրապարակը” գրում է, որ Բաքվի գլխավոր պահանջը ՀՀ սահմանադրության փոփոխությունն է, որից կհեռացվի Անկախության հռչակագրին կատարվող հղումը։ Այդ պահանջը կատարելու համար, ըստ թերթի, Փաշինյանը կարող է արտահերթ ընտրություններ նշանակել, որ Սահմանադրությունը փոխելու հանրաքվեյի “մանդատ” ստանա։
Արդյո՞ք Փաշինյանն այդքան ժամանակ ունի։ Ավելի հեշտ է “լավ” արդարադատության նախարար գտնել, որ ամեն ինչ “ճիշտ” կկազմակերպի։