ԱՄՆ-ի առաջնություն․ Լեւոն Արոնյանն ու Սամուել Սեւյանը կիսեցին երկրորդ տեղը

Ֆաբիանո Կարուանան նվաճեց շախմատի ԱՄՆ-ի չեմպիոնի տիտղոսը։ Սենթ Լուիսում անցկացված առաջնությունում Կարուանան 11 հնարավորից վաստակեց 7 միավոր եւ միանձնյա գրավեց առաջին տեղը։

Ամերիկահայեր Սամուել Սեւյանն ու Լեւոն Արոնյանը վաստակեցին 5,5-ական միավոր եւ Ռեյ Ռոբսոնի, Լենիեր Դոմինգես Պերեսի, Հանս Նիմանի եւ Ավոնդեր Լիանի հետ բաժանեցին 2-7-րդ տեղերը։

Առաջնությունն ուներ 12 մասնակից։ Մրցանակային հիմնադրամը 250 հազար դոլար էր։

news.am