ՀՀ կառավարության աշխատակազմի ղեկավարը մնացած կետերի շուրջ համաձայնության գալու հնարավորություն է տեսնում
- 13:19 30.10.2024
Հայաստանի վարչապետի աշխատակազմի ղեկավար Արայիկ Հարությունյանը նշել է, որ հնարավորություն է տեսնում համաձայնեցնելու Բաքվի հետ խաղաղության պայմանագրի մնացած կետերը։
Նա չհստակեցրեց՝ արդյոք դա նշանակում է, որ Հայաստանը պարտավորվելու է փոխել Սահմանադրությունը և դրանից հանել Անկախության հռչակագրի և Հայաստանի ու Արցախի վերամիավորման մասին 1989 թվականի որոշման հղումը։ Հիշեցնենք, որ Հայաստանի Սահմանադրական դատարանի որոշումից հետո Բաքուն կրկին հայտարարել էր ՀՀ Սահմանադրությունը փոխելու իր պահանջի մասին։
Ինչ վերաբերում է Բաքվում կայանալիք COP29-ին Հայաստանի մասնակցության հնարավորությանը, գնալու որոշման վրա կարող են ազդել բազմաթիվ հանգամանքներ, այդ թվում՝ խաղաղության պայմանագրի շրջանակներում լուրջ առաջընթացը, ասաց Հարությունյանը։
Լրատվամիջոցները, հղում անելով իրենց աղբյուրներին, ավելի վաղ գրել էին, որ Արարատ Միրզոյանը խոստացել է անձամբ գնալ Բաքու, եթե գերեվարված հայ զինվորականներին ազատ արձակեն։