Մի փոքր կտաքանա

Հոկտեմբերի 31-ին Հայաստանի ողջ տարածքում սպասվում է չոր և տաք եղանակ, հայտնում է Հիդրոօդևութաբանության և մոնիտորինգի կենտրոնը։

Այս կանխատեսումը կպահպանվի մինչև նոյեմբերի 2-ը։ Օդի ջերմաստիճանը հոկտեմբերի 31-ին կբարձրանա 1-2 աստիճանով.

Շիրակում և Կոտայքում օդի ջերմաստիճանը կլինի +13, Գեղարքունիքում՝ +11, Լոռիում՝ +15, Տավուշում և Արագածոտնում՝ +16։

Արարատում, Արմավիրում և Վայոց ձորում տաքանալու է մինչև +18, Սյունիքում՝ մինչև +19։

Երեւանում հոկտեմբերի 31-ին առավելագույն ջերմաստիճանը կհասնի +17-ի։