Արցախցի Լուսինեն՝ առաջին հորիզոնականում
- 13:46 04.11.2024
Օրերս Վանաձորի թիվ 21 հիմնական դպրոցում մեկնարկած սպորտային շաբաթի շրջանակներում կազմակերպված <<Բազմամարտ>> ռազմամարզական միջոցառմանը մասնակցել է նաև արցախցի Լուսինե Պողոսյանը, ով սովորում էր Արցախի Ասկերանի շրջանի Իվանյանի Օնիկ Գրիգորյանի անվան միջնակարգ դպրոցում։
9-րդ դասարանի աշակերտուհին առաջին անգամը չէ մասնակցում նման մրցույթների և ամեն անգամ ավելի մեծ պատրաստվածություն է ցուցաբերում։ Արցախից հեռու հոգու խորքում նա միշտ Արցախ է ներկայացնում, և հենց դա է նրա հերթական հաղթանակի գրավականը։ Ցանկացած հաջողության համար Լուսինե Պողոսյանը շնորհակալ է արցախյան ու հայաստանյան իր բոլոր ուսուցիչներին։
Առաջին հորիզոնականը զբաղեցրած Լուսինեն արժանացել է ինչպես պատվոգրի ու մեդալի, այնպես էլ նվերների։
Մրցույթը վարում էին հանրահռչակ բազմամարտիկներ Արմեն Ղազարյանը և Վաչագան Հովհաննիսյանը։