Եվգենյա Մեդվեդևան խոսել է բուլիինգի պատճառով հայկական ազգանունը փոխելու մասին
- 15:05 04.11.2024
RBC
Գեղասահքի 2018 թվականի Օլիմպիական խաղերի փոխչեմպիոն Եվգենյա Մեդվեդևան Քսենյա Սոբչակին տված հարցազրույցում ասել է, որ մանուկ հասակում իրեն հետապնդում էին հոր Բաբասյան ազգանվան համար։
Գեղասահորդուհին մարզական կարիերան սկսել է Բաբասյան ազգանունով, սակայն հայրը՝ հայազգի ձեռներեց, չի մասնակցել նրա կյանքին։ Արդյունքում, Էթերի Թութբերիձեի խմբին միանալուց հետո նա վերցրեց իր մորական տատիկի ազգանունը՝ «կյանքը հեշտացնելու համար»։
«Հիմա, երբ ես մեծացել եմ, մտածում եմ. Եվգենյա Մեդվեդևա, դա գեղեցիկ է, հիշարժան», – ասաց գեղասահորդը ՝ նշելով, որ այն ժամանակ «Մեդվեդև ազգանունը հայտնի էր»:
Նրա խոսքով, մանուկ հասակում ինքը եղել է «թույլ, անպաշտպան, անողնաշար», իսկ ազգանունի համար «հարձակման է ենթարկվել», նրան ծաղրել են՝ բաբասանյա, բաբասիխա։
«Նրանք ուղղակի “հոլովում էին” իմ ազգանունը, ասես դա վիրավորանք լիներ, ասես «ապուշ» ասեյին»,- հավելել է Մեդվեդևան։ Նա կարծում է, որ այն ժամանակ դա ոչ թե էթնիկական հողի վրա վիրավորանք էր, այլ «ուղղակի ծիծաղելի ազգանունի»: