Դոմոդեդովոյում հայ է բերման ենթարկվել Ուկրաինայի զինված ուժերի կողմից մարտերին մասնակցելու մեղադրանքով

Հայաստանի քաղաքացի Արմեն Բալյանը «Դոմոդեդովո» օդանավակայանում ՌԴ տարածք մտնելու փորձի ժամանակ ձերբակալվել է։ Այս մասին հայտնում է Քննչական կոմիտեն (ՔԿ):

Քննիչները պարզել են, որ Բալյանը Ուկրաինա է մտել Մոլդովայից 2022 թվականի նոյեմբերին և միացել տարածքային պաշտպանությանը, որում ծառայել է մինչև 2023 թվականի դեկտեմբերը։ Նրանց տեղեկություններով՝ նա մասնակցել է Դոնբասի և Խերսոնի շրջանում ռազմական գործողություններին։

Քննչական կոմիտեն տղամարդուն հեռակա մեղադրանք է առաջադրել 2024 թվականի օգոստոսին, որից հետո նրա նկատմամբ հայտարարվել է հետախուզում։ Հոկտեմբերին Բալյանը թռավ Դոմոդեդովո և բերման ենթարկվեց։ Նրան սպառնում է մինչև 15 տարվա ազատազրկում վարձկանության հոդվածով (Քրեական օրենսգրքի 359-րդ հոդվածի 3-րդ մաս):

Բալյանը, ըստ Քննչական կոմիտեի, ընդունել է մեղքը և տվել սպառիչ ցուցմունքներ։ «Մեղադրյալը բացատրել է, որ ծառայության ընթացքում մի քանի վնասվածքներ է ստացել։ Նրա ստորաբաժանումը, որը ռազմական գործողություններ էր իրականացնում Դոնբասի տարածքում, ցրվել է այն պատճառով, որ այնտեղ զինվորներ չեն մնացել, գրեթե բոլորը վիրավորվել կամ զոհվել են»,- պնդում են գերատեսչությունից։ Խերսոնի մարզում Դնեպրը անցնելու փորձի ժամանակ արկի հարված է ստացել։ Տղամարդը նշել է նաև, որ ունի միայն հայկական անձնագիր։

РБК