Թրամփի ընտրվելուց հետո Մոսկվան ցանկանում է Հայաստանը «վերադարձնել» ՀԱՊԿ
- 11:52 07.11.2024
ԱՄՆ-ը մտադիր է քարոզչական արշավ իրականացնել՝ վարկաբեկելու Հայաստանի համագործակցությունը Ռուսաստանի, Եվրասիական տնտեսական միության (ԵԱՏՄ) և Հավաքական անվտանգության պայմանագրի կազմակերպության (ՀԱՊԿ) հետ։ Այս մասին ասվում է Ռուսաստանի արտաքին հետախուզության ծառայության (ՍՎՀ) մամուլի բյուրոյի հաղորդագրության մեջ։
Խոսքը, մասնավորապես, ՌԴ արտագնա աշխատանքի եկած Հայաստանի քաղաքացիների «ճնշման» մասին նյութերի տարածման մասին է։ «ԱՄՆ-ի գլխավորած այսպես կոչված քաղաքակիրթ համայնքին» միանալու համար Հայաստանը պետք է հրաժարվի իր ավանդույթներից և առևտրատնտեսական կապերից ԵԱՏՄ-ի գործընկերների հետ, «որոնք վերջին տարիներին ապահովել են նրա տնտեսության դինամիկ աճը», – հետևում է ՍՎՀ-ի հայտարարությունից։
«Այսպիսով, Վաշինգտոնը համառորեն Հայաստանին մղում է դեպի ազգային «ինքնասպանություն», ամփոփել են մամուլի բյուրոն։
Բացի այդ, ԱՄՆ-ն, ըստ Արտաքին հետախուզության ծառայության, իր առջեւ խնդիր է դրել Հայաստանի հասարակական-քաղաքական գործընթացներին տալ «կայուն հակառուսական բնույթ»։ Դրա համար, ինչպես երևում է հայտարարությունից, Պետդեպարտամենտին կից «ժողովրդավարացման» կառույցները պետք է հարմարեցնեն Հայաստանի կառավարության աշխատանքը՝ ելնելով Արևմուտքի շահերից՝ ապահովելով օտարերկրյա խորհրդականների համատարած ներկայությունը հայ պաշտոնյաների վերապատրաստման դասընթացներում։ Այս մասին հայտնում է РБК-ն։
Հատկանշական է, որ Հայաստանի մասով զեկույցը հրապարակվել է ԱՄՆ ընտրություններից և Դոնալդ Թրամփի հաղթանակից անմիջապես հետո։ Վերլուծաբաններն արդեն ասում են, որ Թրամփը կարող է համաձայնվել Պուտինի և մյուսների հետ աշխարհը «ազդեցության գոտիների» բաժանելու հարցում, և Հարավային Կովկասը վերջնականապես կհայտնվի ռուսական ազդեցության տակ։ Այսպես թե այնպես, գործընթացը սկսվել է. Ռուսաստանը մտադիր է Հայաստանը վերադարձնել ՀԱՊԿ՝ ԱՄՆ-ին մեղադրելով Բայդենի դարաշրջանում Հայաստանից «պոկելու» փորձի մեջ։