Իրանը եւ Հայաստանը դարավոր հարաբերություններ ունեն, ի տարբերություն Էրդողանի

Հայ-իրանական գործակցությունը դարավոր բարեկամության մասին է, ապագան ևս հստակ է, Կապանում հայտարարել է ՀՀ-ում Իրանի դեսպան Մեհդի Սոբհանին։ Նա շեշտել է՝ որևէ մեկը չի կարող ազդեցություն ունենալ երկու երկրների հարաբերությունների վրա, հաղորդում է Հանրային ՀԸ-ը։

Անդրադառնալով «Զանգեզուրի միջանցք»-ի վերաբերյալ Իրանի դիրքորոշմանը՝ Մեհդի Սոբհանին ասել է՝ Թեհրանը դեմ է ցանկացած բանի։

«Մենք չենք ցանկանում այդ բառն օգտագործել: Համաձայն ենք հաղորդակցությունների բացմանն այն դեպքում, երբ դա տեղի կունենա Հայաստանի Հանրապետության տարածքային ամբողջականության և ինքնիշխանության հիման վրա: Բացի այդ, մենք դեմ ենք ցանկացած բանի, որն ունի միջանցքային տրամաբանություն: Մենք դեմ ենք ցանկացած աշխարհաքաղաքական փոփոխության», – «Արմենպրես»-ի փոխանցմամբ՝ նշել է նա։

Իրանի ներկայացուցիչներն անընդհատ ընդգծում են, որ Հայաստանի հետ հարաբերությունները դարավոր պատմություն ունեն։ Ի տարբերություն այոց հետ հարաբերությունների։ Ասենք, ադրբեջանցիների մասին Իրանը նույնիսկ ամաչում է խոսել եւ ընդգծել նրանց ինքնությունը։ 

Շիա, թյուրքալեզու, քրդա-ալբանախառը, Ստալինի կողմից պարսկական տեղանունով “կնքված” “ազերիները” իրենք էլ չգիտեն իրենց ինքնությունը։ Չգիտեն եւ ուրիշները։

Օրինակ, օրերս Էրդողանը, շնորհավորելով Ալիեւին “հինավուրց” հողերը վերադարձնելու կապակցությամբ, չի հիշատակել, թե ում հինավուրց հողերն են։ Ասել, որ ադրբեջանցիների հողերն են, Էրդողանը չէր կարող, նրա վրա կծիծաղեյին, նույնը՝ թուրքական կամ պարսկական, առավել եւս՝ հայկական։ Այդպես էլ ոչինչ չասաց՝ միայն հինավուրց Ղարաբաղ։