Ալիևը վախենում է, ահա թե ինչու է նա նոր պահանջներ ներկայացնում
- 21:54 09.11.2024
«Ալիևը վախենում է, ահա թե ինչու է նա նոր պահանջներ ներկայացնում», – այսօր Ազգային-ժողովրդավարական բևեռի ակցիայի ժամանակ հայտարարեց ԱԺԲ խորհրդի անդամ Վահե Գասպարյանը։
Նա հիշեցրեց, որ Բաքուն առաջ է քաշել ևս մի քանի պայման, որպեսզի ստորագրվի այսպես կոչված խաղաղության պայմանագիրը։ Դրանք են՝ Հայաստանի Սահմանադրության փոփոխությունը, որից պետք է հանվի հիշատակումն Արցախի և Հայաստանի վերամիավորման, ցեղասպանության և Առաջին Հանրապետության իրավահաջորդության մասին։ Բացի այդ, պահանջվում է հրաժարվել միջազգային հայցերից, չերկարաձգել եվրոպացի դիտորդների մանդատը և զենք չգնել։
«Սա վկայում է Ալիևի վախերի մասին։ Նա շան պես վախենում է, որովհետև գիտի, որ ամեն ինչ ստացել է ռազմական հանցագործությունների, պայմանավորված պատերազմի և միջազգային իրավունքի խախտումների միջոցով», – ասաց Վահե Գասպարյանը։
Նա նշեց, որ Արցախն ամբողջ հայ ժողովրդի հետ միասին ինքնորոշվել է 1918 թվականի մայիսի 28-ին, և այդ ինքնորոշումը ճանաչվել է միջազգային հանրության կողմից, ինչը արտահայտվել է Վիլսոնի արբիտրաժում։