Նոյեմբերի 9-ի հայտարարությունը խուժան փաստաթուղթ է, որը պետք է մերժվի բոլորիս կողմից
- 10:29 10.11.2024
Նոյեմբերի 9-ի հայտարարությունը խուժան փաստաթուղթ է, որը պետք է մերժվի բոլորիս կողմից։ Այս մասին երեկ Ազգային-ժողովրդավարական բևեռի հանրահավաքի ժամանակ հայտարարեց Պարույր Հայրիկյանը։
Նա հիշեցրեց, որ միջազգային հանրությունը չի կարող ճանաչել ուժի սպառնալիքի տակ ընդունված փաստաթուղթը։ Նույն կերպ անընդունելի և ոչ լեգիտիմ են 1921 թ. ռուս-թուրքական պայմանագրերը, որոնք նույնպես ընդունվել են ուժի սպառնալիքի ներքո՝ ընդ որում, երկու այն ժամանակ չճանաչված միջազգային սուբյեկտների կողմից՝ երրորդ՝ միջազգայնորեն ճանաչված սուբյեկտի վերաբերյալ։
Ինչպես նշեց Պարույր Հայրիկյանը, 1921 թ. մարտի 16-ի Մոսկովյան պայմանագիրը դե-ֆակտո չեղարկվել է Հայաստանի անկախության հռչակմամբ։ Սակայն այժմ մեզ ստիպում են վերադառնալ 1921 թ. պայմանագրերի պայմաններին։
Հայաստանը միջազգային իրավունքի սուբյեկտ է, մինչդեռ նոյեմբերի 9-ի հայտարարությունը ընդունվել է ապօրինի՝ ուժի սպառնալիքի ներքո։ Բայց եթե Հայաստանը դրա մասին չհայտարարի, ոչ ոք չի միջնորդի մեր օգտին, հայտարարեց Պարույր Հայրիկյանը։
Հայրիկյանը հայտարարեց նոյեմբերի 22-ի միջոցառման մասին՝ Վիլսոնի արբիտրաժի ընդունման օրվա առիթով։