Թրամփը հեռուստահաղորդավարի թեկնածությունն է առաջադրել ԱՄՆ պաշտպանության նախարարի պաշտոնում

Նորընտիր ԱՄՆ նախագահ Դոնալդ Թրամփը Պաշտպանության նախարարի պաշտոնում առաջադրել է Fox News հեռուստաալիքի հաղորդավար Փիթ Հեգսեթի թեկնածությունը, հայտնում է Politico-ն:

«Փիթի ղեկավարման ներքո Ամերիկայի թշնամիները զգուշացված կլինեն՝ մեր զինված ուժերը կրկին մեծ կլինեն, և Ամերիկան երբեք չի նահանջի», – հայտարարեց Թրամփը՝ նրան անվանելով «խիստ, խելացի»:

Հեգսեթը 44 տարեկան է, ԱՄՆ ազգային գվարդիայի վետերան է, ծառայել է Աֆղանստանում, Իրաքում և Կուբայում՝ Գուանտանամոյում: Fox հեռուստաալիքում աշխատում է 2014 թվականից, վերջին շրջանում՝ որպես «Fox & Friends Weekend» ծրագրի համահաղորդավար:

2016 թվականի նախընտրական արշավի ընթացքում Հեգսեթը Թրամփի ամենահայտնի աջակիցներից էր: