Թրամփը Ուկրաինային ասաց այն, ինչն ասել էր Արցախին. «Սա հեշտ խնդիր է, մենք այն կլուծենք»
- 11:55 13.11.2024
«Եթե Ուկրաինան կարողանա պաշտպանել իրեն, հրաշալի է», – հայտարարել է ԱՄՆ-ի ընտրված նախագահ Դոնալդ Թրամփը, հայտարարելով Պենտագոնի նոր ղեկավարի անունն, որը ներկայումս FoxTV-ի հաղորդավար է։
Ուկրաինան, որը մի քանի անգամ շնորհավորել էր Ալիևին «տարածաշրջանային ամբողջականության վերականգնման» և «հաղթանակի» համար, Թրամփի խոսքերից հետո կարող է ըեսնել, թե ինչ եղավ Արցախի հետ, որի վերաբերյալ Թրամփը նույն խոսքերը ասել էր 2020 թվականին։
2020 թվականի աշնանը, երբ Թրամփը ավարտում էր իր նախագահական ժամկետը և վարում էր նախընտրական քարոզարշավը, նա մոտավորապես նույնը ասել էր հայերի մասին՝ տեսնենք, թե արդյոք հայերը կկարողանան դիմակայել։
Միացյալ Նահանգները ուշադիր հետևում են իրավիճակի զարգացմանը, հայտարարել էր Թրամփը։ Նա խոստացել էր տեսնել, արդյոք Վաշինգտոնը կկարողանա կանխել հակամարտության սրացումը։ «Մենք լավ հարաբերություններ ունենք այդ տարածաշրջանում», – ասել էր Թրամփը սեպտեմբերի 28-ին՝ 44-օրյա պատերազմը սկսվելուց անմիջապես հետո։
2020 թվականի հոկտեմբերի 19-ին Թրամփը ասել է. «Հայերը՝ նրանք լավ մարդիկ են։ Նրանք նաև լավ գործարարներ են։ Լատինամերիկացիների հետ միասին նրանք նույնպես լավ գործարարներ են։ Շատ լավ ոգի ունեք։ Մենք ինչ-որ բաներ անում ենք։ Ես կկանգնեցնեմ ահաբեկիչներին»։
2023 թվականի հոկտեմբերի 23-ին Թրամփը լրագրողներին ասել է, որ մասնակցում է Ղարաբաղի հարցով բանակցություններին։ «Մենք աշխատում ենք Հայաստանի հետ։ Մեր հարաբերությունները Հայաստանի հետ շատ լավ են։ <…> Տեսնենք, թե ինչպես կընթանա։ Կարծում եմ՝ շատ լավ առաջընթաց է արձանագրվել», — ասել է Թրամփը։
Թրամփը նախընտրական հանդիպման ժամանակ Նևադայում խոսել է նաև հայերի և նրանց պատրիոտիզմի մասին։ Մասնավորապես, նա ասել է, որ շատ հայեր եւ դրոշներ է տեսել՝ հատկապես Կալիֆորնիայում։
2023 թվականի հոկտեմբերի 25-ին նախընտրական հանդիպման ժամանակ Թրամփը ասել է. «Արձանագրեք Հայաստանի մասին։ Հիանալի մարդիկ են։ Սատանաների պես կռվում են։ Եվ գիտեք ինչ՝ մենք ինչ-որ բան կանենք»։ Դրանից հետո նա պատմել է, թե ինչպես Օհայո նահանգում հանդիպեց հայկական խմբի հետ։ «Ունեն խնդիրներ, մահեր, կռիվներ՝ մենք դա կլուծենք։ Ես այս խնդիրը անվանում եմ հեշտ։ Այնպես որ գնացեք և ասեք ձեր ժողովրդին», — հայտարարել է Թրամփը։