Երեկոյան տանը Աղազարյանը մայկով հավեսին ծիծաղում է բոլորի վրա
- 18:04 13.11.2024
Աժ-ում բյուջեի քննարկմանը՝ մտքերի փոխանակության ժամին, ՔՊ-ական պատգամավոր Հովիկ Աղազարյանն, որը մինչեւ 1998 թ․ ՀՅԴ երդվյալ անդամ էր, անդրադարձավ մինչ օրս ՀՅԴ անդամ Արմեն Ռուստամյանի ելույթին:
«Հայ ժողովուրդն այն փոքրաթիվ ազգերից է մարդկության պատմության մեջ, որ հազարամյակների բովով անցնելով՝ այսօր ունի պետականություն»,- ասաց Աղազարյանը:
Աղազարյանը մեկ այլ օրինակ էլ բերեց. «Պարոն Ռուստամյան, մի լավ, զգացմունքային երգ կա՝ «Երթամ, հասնիմ զիմ Կիլիկիա»: Այդ երգը, երբ լսում եք, ի՞նչ ասոցիացիաներ եք ունենում։ Օրինակ՝ երբ ես լսում էի այդ երգը պատանեկան տարիքում, երիտասարդ տարիքում, լացում էի, բայց երբ մի քիչ մեծացա, ավելի ուսումնասիրեցի այդ դրվագները, հասկացա, բայց ես ինչի՞ համար եմ Կիլիկիայի համար լացում, ինչի՞ համար անտեղի էներգիա ծախսում դրա վրա: Կիլիկիան ո՜ւր, ես ո՜ւր։
Կիլիկիան իմ պատմական հայրենիքը չէ, Վանն իմ պատմական հայրենիքն է, Կարսն իմ պատմական հայրենիքն է։ Էն ժամանակ Ձեր նման կրթված, զարգացած, ուժեղ տղերք, թողեցին մեր հայրենիքը, գնացին ուրիշ տեղ, պետություն ստեղծեցին։ Փառք Աստծո, որ Դուք չեք թողնում հայրենիքը, պայքարում եք իշխանության գալու համար, որ մեզ հեռացնեք իշխանությունից։
Մենք էլ էդ ամեն ինչը հաշվի առնելով, փորձում ենք այնպես անել, որ սխալներ թույլ չտանք»,-դիմելով դաշնակցական Արմեն Ռուստամյանին, ասաց Հովիկ Աղազարյանը։