Ով իրավունք ունի գրանցի Արցախից դուրս բերված ավտոները
- 10:42 14.11.2024
Lianna Petrosyan-ը իր ֆեյսբուքյան էջում մտորում է կարեւոր հարցի շուրջ․ ով պետք է սեփականացնի Արցախից դուրս բերված մեքենաները, այդ թվում՝ պետական։
Այդ հարցը վերաբերվում է ոչ միայն մեքեններին, այլեւ այն համակարգված մոտեցման բացակայությանը, որի պատճառով արցախցիների կոլեկտիվ իրավւնքի, գույքի եւ շահի հարցը դուրս է բերվում քննարկումներից։ 120 հազար արցախցիներին, որոնց իրավունքից եւ սեփականությունից զրկելը կոլեկտիվ սկզբունքով է իրականացվել, վերաբերվում են որպես առանձին անհատներ, կարծես ամեն մարդ ինքն է որոշել ամեն ինչ թողել, նստել, ասենք, պետության պատկանող մեքենան եւ դուրս գալ։
Մեքենաների հարցը ակտուալ է, քանի որ ՀՀ կառավարությունը չի վերցնում Արցախից բերված պետական մեքենաները իր բալանս, Արցախի կառավարության բալանս եւս չկա։ Ավտոները կամ պետք է մնային Արցախում, կամ այստեղ որեւէ մեկի վրա գրանցվեն։
Արդյո՞ք դրանք պետք է գրանցվեն որպես պաշտոնյաների սեփականություն, թե՞ վարորդների կամ այն մարդկանց, որոնք եւ դուրս են բերել դրանք Արցախից։