Մայք Թայսոնը պարտվեց 27-ամյա բլոգեր Ջեյք Պոլին
- 11:50 16.11.2024
Ութ ռաունդից բաղկացած մենամարտն դատավորների միաձայն որոշմամբ ավարտվեց Պոլի հաղթանակով։
27-ամյա բլոգերը տոնեց իր տասնմեկերորդ հաղթանակը պրոֆեսիոնալ ռինգում (այդ թվում՝ յոթը նոկաուտով)՝ մեկ պարտության դիմաց։
58-ամյա «Երկաթե Մայք» Թայսոնը 19 տարվա մեջ առաջին անգամ պարտություն կրեց պրոֆեսիոնալ մենամարտում։ Նա իր կարիերան ավարտել էր 2005 թվականին, բայց 2024-ին ընդունեց Ջեյք Պոլի՝ հայտնի վիդեոբլոգերի մարտահրավերը, որը անսպասելիորեն դարձավ հաջողակ բռնցքամարտիկ։
Պոլի հետ մենամարտում կրած պարտությունը Թայսոնի կարիերայի յոթերորդն էր։ Նա հաղթել է 50 մենամարտում, որոնցից 44-ը՝ նոկաուտով։
Հաղթանակից հետո Պոլը հայտարարեց, որ ուրախ էր ռինգում հանդիպել բռնցքամարտի «լեգենդի» հետ, որին իրավամբ համարվում է Թայսոնը։
Թայսոնի և Պոլի հանդիպումը, որը համարվում էր տարվա ամենասպասված իրադարձությունը բռնցքամարտի աշխարհում, տեղի ունեցավ ուրբաթ երեկոյան Տեխաս նահանգի Առլինգթոն քաղաքում։ Հեռարձակումը կազմակերպել էր Netflix հարթակը, որն ունի 280 միլիոն բաժանորդ ամբողջ աշխարհում։