«Հայորդի» հիմնադրամը մանուկների համար միջոցառում է կազմակերպել
- 00:11 18.11.2024
«Հայորդի» հիմնադրամը նոյեմբերի 17-ին կազմակերպել է Հայաստանում առաջին ամենամեծ հավաքը, որը միավորել է զոհված անձանց այն երեխաներին, ովքեր ծնվել են հոր զոհվելուց հետո։
44-օրյա պատերազմի, 2022թ սեպտեմբերյան ագրեսիայի, տավուշյան մարտերի և արցախյան վերջին պատերազմի, պայթյունի հետևանքով զոհված անձանց երեխաները, որոնք դեռ հորը չտեսած կորցրին, հավաքվել են մեկ վայրում։
Միջոցառման ընթացքում տեղի են ունեցել հյուրասիրություն, անակնկալ նվերներ, ցուցադրվել է Հայաստանում առաջին կորստի մասին հեքիաթը՝ «Էլի նապաստակը»:
Մասնագետները զրուցեցին, թե ինչպես աջակցել երեխային դժվար պահերին։
Ներկա էին նաեւ ԶԻՆԱՊԱՀ հիմնադրամը և այլ գործընկերներ։ Միջոցառմանը զուգահեռ տարբեր մանկական խաղային ծրագրեր են կազմակերպվել։
Ծրագիրը կազմակերպվում է «Հայորդի» և «Դեկավա» բարեգործական հիմնադրամների համատեղ ջանքերով։
Լուսանկարները՝ Հայկ Հարությունյանի
