Հայ վարորդները երրորդ օրն է կանգնած են սահմանին․ իշխանություններից ոչ մի արձագանք (տեսանյութ)
- 18:02 19.11.2024
Հարյուրավոր հայկական բեռնատարներ կանգնած են Իրանի և Հայաստանի սահմանին Իրանի որոշման պատճառով․ Թեհրանը, բարձրացնելով դիզվառելիքի գները, ստիպում է հայ վարորդներին լիցքավորել լրիվ բաքը։
Վարորդներից մեկը տեսաուղերձում ասել է, որ հայ վարորդներն արդեն երեք օր է՝ կանգնած են տեղում, և երկրի ղեկավարության կողմից արձագանք չկա։
Հիշեցնենք, որ երկու օր առաջ աշխատանքից ազատվել էր Հայաստանի մաքսային ծառայության պետ Ռուստամ Բադասյանը՝ այլ ուժայինների հետ միասին։ Ավելի վաղ Նիկոլ Փաշինյանը նշել էր Ագարակի անցակետում «խայտառակ» իրավիճակի մասին.
Սեւակ անունով վարորդն ասում է, որ Իրանը հսկիչ-անցագրային կետերում դիզվառելիքը թանկացրել է մինչեւ 9 հազար դրամի և ստիպում է հայ վարորդներին լիցքավորել ամբողջ բաքը, իսկ իրանական քարտերով վճարելիս 20 լիտրի գինը հասնում է 10,2 հազար դրամի, չնայած նույն վառելիքը 2 հազարով կարելի է այլ տեղից գնել։
Ըստ վարորդների՝ նման կանոն միշտ էլ եղել է, բայց մինչ այժմ իրենց թույլ էին տալիս թերի բաքով անցնել սահմանը, եւ դիզվառելիքի գինն էլ տանելի էր։ Այժմ վարորդները գումար չունեն լիքը բաքը լցնելու համար։
Բանը հասնում է նրան, որ վարորդները հանում են իրենց բաքը և ամրացնում 20 լիտրանոց տարա, որպեսզի կարողանան վարել «լիքը բաքով»:
Հայաստանի իշխանությունները դեռևս չեն արձագանքել ստեղծված իրավիճակին, թեև ակնհայտ է, որ միայն պետական մակարդակով է հնարավոր խնդիրը լուծել։