Իսրայելի կառավարությունը արգելել է համագործակցել Haaretz անկախ թերթի հետ
- 10:46 25.11.2024
Իսրայելի կառավարությունը կիրակի հավանություն է տվել առաջարկին, որով կառավարության կողմից ֆինանսավորվող բոլոր կազմակերպություններին հանձնարարվում է դադարեցնել համագործակցությունը Haaretz-ի հետ և հանել իրենց գովազդը թերթից:
Կառավարությունը հայտարարել է, որ որոշումը պայմանավորված է «բազմաթիվ հոդվածներով, որոնք խաթարում են Իսրայելի պետության օրինականությունը և նրա ինքնապաշտպանության իրավունքը, և հատկապես Haaretz-ի հրատարակիչ Ամոս Շոկենի՝ Լոնդոնում արած հայտարարություններով, որոնք աջակցում են ահաբեկչությանը և պահանջում են պատժամիջոցներ սահմանել կառավարության դեմ»։
Առաջարկը, որը վերջին պահին է ընդգրկվել կառավարության նիստի օրակարգում, արժանացել Իսրայելի վարչապետ Բենիամին Նաթանյահուի հավանությանը։
Ի պատասխան՝ Haaretz-ը հայտարարություն հրապարակեց, որում ասվում է. «Haaretz-ը բոյկոտելու պատեհապաշտական որոշումը, որն ընդունվել է կառավարության այսօրվա նիստում առանց որևէ իրավական ստուգման, ևս մեկ քայլ է իսրայելական ժողովրդավարությունը քանդելու Նաթանյահուի ճանապարհին։ Ինչպես իր ընկերներ Պուտինը, Էրդողանը և Օրբանը, Նաթանյահուն նույնպես փորձում է լռեցնել քննադատորեն տրամադրված անկախ թերթը»։