Ռուսաստանն ու Թուրքիան նոր “գրոհ” են սկսել Հայաստանի դեմ

Պուտինն ու Էրդողանը հեռախոսով քննարկել են երկկողմ հարաբերությունները, ինչպես նաև տարածաշրջանային և գլոբալ հարցեր։ Անկարան շարունակում է ջանքեր գործադրել՝ տարածաշրջանում լարվածությանը վերջ դնելու համար, ասել է Ռեջեփ Էդողանը։

Թուրքիան մի քանի անգամ հայտարարել է, որ հայ-թուրքական և հայ-ադրբեջանական հարաբերությունների կարգավորման գործընթացները փոխկապակցված են և հայ-ադրբեջանական բանակցությունների դրական ելքի դեպքում հայ-թուրքական սահմանը կբացվի։

Ռուսաստանը իրեն հերթին միացել է «գրոհին»՝ Հայաստանը պետականության վերջին նշույլներից զրկելու եւ եվրասիական հետնաբակի վերածելու նպատակով։ «Հուսով ենք, որ Հայաստանի կներգրավվի Եվրասիայում անվտանգության միասնական և անբաժանելի համակարգի զարգացման գործում»: Այս մասին «Իզվեստիա» թերթին տված հարցազրույցում ասել է Հայաստանում Ռուսաստանի դեսպան Սերգեյ Կոպիրկինը։

Այդ գաղափարի մասին Պուտինը ասել է Կազանում վերջերս կայացած БРИКС գագաթնաժողովի ժամանակ”։

Ի դեպ Թրամփի ընտրություններից հետո արեւմտյան փորձագետները եւս խոսում են, որ Հայաստանի համար ամենահավանական տարբերակը՝ БРИКС-ին եւ “եվրասիական համակարգին” միանալն է։

«Խոսելով Հայաստանի անվտանգության ապահովման խնդիրների մասին՝ մենք հավատարիմ ենք այն դիրքորոշմանը, որ ռուս-հայկական դաշնակցային համագործակցությանը համեմատելի իրական այլընտրանքներ չկան, այդ թվում՝ ՀԱՊԿ շրջանակներում։ Ռուսաստանը հավատարիմ է մնում իր պարտավորություններին` ապահովելու Հայաստանի անվտանգությունը ինչպես երկկողմ ձևաչափով, այնպես էլ ՀԱՊԿ-ի միջոցով»,- նշել է ՌԴ դեսպանը։

Դա նշանակում է, որ Փաշինյան-Ալիեւ “երկկողմ” խաղերը, արեւմտյան բոլոր նախաձեռնությունների տորպեդավորումը, ԵԱՀԿ Մինսկի խմբի չեզոքացումը՝ ռուս-թուրքական ծրագրի մասեր են, որոնք իրականացվում են ՀՀ Կառավարության միջոցով։

«Ռուսաստանը միշտ պատրաստ է մեր հայ և ադրբեջանցի գործընկերներին աջակցություն ցուցաբերել երկկողմ հարաբերությունների կարգավորման հարցում՝ հետևելով Ռուսաստանի, Հայաստանի և Ադրբեջանի ղեկավարների միջև 2020-2022 թվականների եռակողմ համաձայնագրերի ոգուն և տառին», ասել է Կոպիրկինը։

Ազգային-ժողովրդավարական բեվեռի խորհրդի անդամ Վահե Գասպարյանը ֆեյսբուքյան իր էջում հայտարարել է, որ «Նիկոլը ռուս-թուրքական գործակալ է, որը նպատակ ունի ավարտին հասցնել Մոսկվայի պայմանագրով նախատեսված ծրագիրը և վերջնականապես թաղել թե Հայկական Հարցը և թե ինքը` Հայոց պետականությունը»։

Որպես ապացույց նա ներկայացրել է Մոսկվայի պայմանագրի 1֊ին, 9֊րդ և 15֊րդ կետերը

ՄՈՍԿՎԱՅԻ ԲԱՐԵԿԱՄՈՒԹՅԱՆ ՊԱՅՄԱՆԱԳԻՐ

(16 Մարտի, 1921 թ.) (Լենին-Աթաթուրք պակտ)

ԿԵՏ 1.

“ՌՍՖՍՀ-ն համաձայնում է չճանաչել Սևրի պայմանագիրը, այսինքն. մերժում է անկախ Հայաստանի գոյությունը։”

ԿԵՏ 9.

“Հայաստանի տարածքով «հաղորդակցությունների» ապաշրջափակում։” /որը այն ժամանակ կանխել է Գարեգին Տեր-Հարությունյանը` Նժդեհը պահելով Հայոց Սյունիքը – Վ․Գ/:

ԿԵՏ 15.

“Ռուսաստանը պարտավորվում է ստիպել Հայաստանին ճանաչել նոր սահմանները և հրաժարվել իր իրավունքներից։”

Մեկնաբանություններն, ինչպես ասում են, ավելորդ են։