Վրաստանի նախագահի թեկնածու է նախկին ֆուտբոլիստ Միխեիլ Կավելաշվիլին

Sputnik. Վրաստանի նախագահի թեկնածու է դարձել «Վրացական երազանք»-ի նախկին ֆուտբոլիստ և հարձակվող 53-ամյա Միխեիլ Կավելաշվիլին։ Այս մասին «Վրացական երազանք»-ի քաղխորհրդի նիստից հետո կայացած ճեպազրույցում հայտարարել է կուսակցության հիմնադիր Բիձինա Իվանիշվիլին։

«Ինչպես գիտեք, Վրաստանի խորհրդարանը նշանակել է նախագահական ընտրություններ, որոնք, ըստ Սահմանադրության գործող տարբերակի, անուղղակի կերպով կանցկացվեն դեկտեմբերի 14-ին, Վրաստանի նախագահն ընտրվելու է 300 անդամից բաղկացած ընտրական հանձնաժողովի կողմից, որում մեր քաղաքական կուսակցությունը՝ «Վրացական երազանքը», ունի ամուր մեծամասնություն՝ հիմնված վրաց ժողովրդի որոշման վրա», – ասել է Իվանիշվիլին։

Ելնելով դրանից՝ ի սկզբանե պարզ է, որ Վրաստանի նախագահի պաշտոնը կզբաղեցնի «Վրացական երազանքի» կողմից սատարվող թեկնածուն, նշել է նա։

Ընտրությունները տեղի կունենան դեկտեմբերի 14-ին։