ՀՀ Կառավարության անդամները հանդիպել են Արցախի ներկայացուցիչների հետ
- 19:04 28.11.2024
Lianna Petrosyan-ը գրում է․
Հարգելի’ հայրենակիցներ,
Այսօր ՀՀ Կառավարության նախաձեռնությամբ հանդիպել եմ ՀՀ փոխվարչապետ Տիգրան Խաչատրյանի, ՀՀ ՏԿԵՆ նախարար Դավիթ Խուդաթյանի և ՀՀ աշխատանքի և սոցիալական հարցերի նախարարի տեղակալ Դավիթ Խաչատրյանի հետ։
Հանդիպմանը քննարկվել են տեղահանվածների համար օրհասական դարձած սոցիալական խնդիրները՝ արցախցիների համար իրականացվող բնակապահովման ծրագիրը, 40+10 աջակցության ծրագրի շարունակականության և զբաղվածության ծրագրերին առնչվող հարցեր։
Մոտ 2 ժամ տեւած հանդիպման արդյունքում դեռեւս լուրջ առարկայական առաջարկություններ չեն եղել, պայմանավորվածություն է ձեռքբերվել եւս մեկ հանդիպում վաղն առավոտյան, որից հետո կտրվի համապատասխան տեղեկատվություն։
Հարգելի’ հայրենակիցներ,
Այժմ չափազանց կարևոր է Ձեր աջակցությունը բոլոր այն անձանց և միավորումներին, ովքեր այս ընթացքում հանդես են եկել տարբեր առաջարկություններով։
Հ. Գ. Իմ ունեցած տեղեկությունների համաձայն՝ Կառավարության ներկայացուցիչներն այսօր հանդիպումներ են ունեցել նաև այս հարցերով իրատեսական ծրագրային առաջարկներ ներկայացրած այլ անձանց հետ։