Լեհաստանի նախագահի տիկինը Հայաստանում հանդիպել է արցախցիների հետ
- 19:46 28.11.2024
Լեհաստանի նախագահ Անջեյ Դուդայի՝ Հայաստան կատարած այցի շրջանակում նրա կինը՝ Ագաթա Կորնհաուզեր-Դուդան նախօրեին այցելել է «Առաքելություն Հայաստան» կազմակերպության կենտրոնակայան, որտեղ հանդիպել է կազմակերպության և ՄԱԿ-ի ՓԳՀ հայաստանյան գրասենյակի ներկայացուցիչների հետ։
Այցի ընթացքում առաջին տիկինը զրուցել է նաև Լեռնային Ղարաբաղից տեղահանվածների հետ, որոնք պատմել են պատերազմական հակամարտության իրենց անձնական փորձի և Հայաստան ներգաղթելու անհրաժեշտության մասին։
Հետաքրքիր է, որ Հայաստանի իշխանությունները համառորեն պնդում են, որ Հայաստան չներգաղթելու տարբերակներ կային, եւ արցախցիները թողել են իրենց տները, որ գան եւ Հայաստանում իշխանություն փոխեն։