Շուշի այցելած Բաքվում ԱՄՆ դեսպանն առողջական խնդիրներ ունի
- 13:04 03.12.2024
Ադրբեջանում ԱՄՆ դեսպան Մարկ Լիբբին հայտարարել է դիվանագիտական ծառայությունից հեռանալու մասին։
«Առողջական խնդիրները, որոնց մասին ես խոսել էի 2023 թվականին Սենատում կայացած լսումների ժամանակ, ցավոք սրտի, պահպանվում են։ Վերջին բժշկական հետազոտությունների արդյունքները վկայում են, որ եկել է տուն վերադառանալու և վերջապես սեփական առողջության վրա կենտրոնանալու ժամանակը», – նշել է Լիբբին։
«Ադրբեջանում դեռ շատ անելիք կա մարդու իրավունքների պաշտպանությունն ամրապնդելու, ինչպես նաև Հարավային Կովկասում հարատև, արժանապատիվ խաղաղության հասնելու համար», – նշել է Լիբբին։
Մարկ Լիբին 2020 թվականի պատերազմից հետո այցելեց Շուշի։ Իսկ այցից մի քանի օր առաջ «Ազատության» ադրբեջանական ծառայության հետ զրույցում նա հայտարարել էր, թե Լեռնային Ղարաբաղ կամ հարակից տարածքներ մեկնելու մտադրություն առայժմ չունի: «Հասկանալի է, որ վերադարձված տարածքները մյուսներից տարբերվում են: Այստեղ շատ ավելի մեծ կոորդինացիա է հարկավոր, բացի այդ՝ ես չեմ ցանկանում որևէ մեկի կազմակերպած շոուի մաս դառնալ որևէ տեղ մեկնելով», – ասել էր ԱՄՆ դեսպանը: