Աբխազիայի խորհրդարանը դեմ է քվեարկել. Ռուսաստանը կշրջափակի՞ Սուխումը
- 13:52 03.12.2024
Աբխազիայի խորհրդարանը դեմ է քվեարկել հանրապետությունում ռուսաստանյան իրավաբանական անձանց ներդրումային գործունեության մասին համաձայնագրի վավերացմանը։
Այս համաձայնագիրը հոկտեմբերի 30-ին Մոսկվայում ստորագրել են Աբխազիայի փոխվարչապետ Օզգանը և ՌԴ տնտեսական զարգացման նախարար Մաքսիմ Ռեշետնիկովը։
Նոյեմբերի 15-ին Աբխազիայի խորհրդարանում պետք է տեղի ունենար պայմանագրի վավերացումը, սակայն այս համաձայնագրին դեմ հանդես եկող ընդդիմությունը բողոքի ցույցեր է կազմակերպել։ Արդյունքում հրաժարական են տվել Աբխազիայի նախագահ Ասլան Բժանիան և վարչապետ Ալեքսանդր Անկվաբը։
Ինչպե՞ս կարձագանքի Մոսկվան Աբխազիայի՝ Ռուսաստանին «տնտեսապես» ինտեգրվելու դժկամությանը։ Մոսկվան արդեն խոստացել է դադարեցնել Աբխազիայի բնակիչներին կենսաթոշակների վճարումը, էներգետիկ աջակցությունը և այլն։ Մնույմ է ճանապարհների փակումն ու շրջափակումը։
Աբխազիայում խորհրդարանական ընտրությունները նախատեսված են 2025 թվականի փետրվարին, սակայն Արցախի Հանրապետության “սովի մատնելուց” եւ «լուծարմամբ» սկսված գործընթացների համատեքստում ընտրությունները կարող են չկայանալ։ Մոսկվան կփորձի «վերացնել» Աբխազիան որպես հանրապետություն՝ աբխազներին թողնելով ընտրություն՝ կա՛մ Վրաստան, կա՛մ Ռուսաստան։
Իսկ Վրաստանում տեղի ունեցող գործընթացների ֆոնին չի բացառվում, որ Մոսկվան ու Թբիլիսին համատեղ ջանքերով «կլուծարեն» Աբխազիան։ Էրդողանն էլ քավոր։