“Փաշինյանն իր հայտարարությամբ վերախմբագրում է Զինված ուժերի գործառույթները եւ ոչնչացնում հայոց պետականությունը”

Նիկոլ Փաշինյանը ազգային եւ պետական ինքնիշխանության դեմ ուղղված ծանր հանցագործություն է կատարել։ Այս մասին ԱԺ նիստում ասաց «Հայաստան» խմբակցության պատգամավոր Արծվիկ Մինասյանը։

«Նիկոլ Փաշինյանն այս ամբոինից կատարեց հայտարարություններ, որոնք ուղղված էին ՀՀ ազգային եւ պետական ինքնիշխանության դեմ, կատարեց հայտարարություններ, որոնք ուղղակիորեն հակասում են ՀՀ Սահմանադրուդրությանը եւ հրապարակային հրաժարվեց Սահմանադրությամբ պետությանը վերապահված պարտավորություններին։ Մասնավորապես, ՀՀ քաղաքացիները ՀՀ սահմաներից դուրս ՀՀ պաշտպանության ներքո են։ Նիկոլ Փաշինյանն այս ամբոինից հայատարարում էր՝ պետությունը պարտավորություն է կրում միայն ՀՀ տարածքում բնակվող քաղաքացիների նկատմամբ։

Մյուսը, նա հրաժարվեց նաեւ Սահմանադրությամբ ամրագրված մեկ այլ կարեւոր պահանջից՝ ՀՀ-ն միջազգային իրավունքի հիման վրա պարտավորվում է ապահովել հայկական պատմական եւ մշակութային արժեքների պահպանությունը։ Նա այս ամբիոնից հայատարարում է, որ պատասխանատու է միայն ՀՀ տարածքում իրականացվող գործողությունների համար։ Եվ հպարտորեն հայտարարում է, որ Արցախի հանձնումը միակ փրկությունն է հայոց պետականությունը պահպանելու համար։ Սա ազգային եւ պետական ինքնիշխանության դեմ ուղղված ծանր հանցագործություն է, որի պատասխանատվությունը վաղ թե ուշ վրա է հասնելու»,- ասաց Արծվիկ Մինասյանը։

Նա հավելեց, որ Նիկոլ Փաշինյանն իր հայտարարությամբ վերախմբագրում է Զինված ուժերի գործառույթները եւ ըստ էության ոչնչացնում է հայոց պետականությունը։