Փաշինյանը հայտարարեց նոր հատվածում «սահմանազատման» մոտալուտ մեկնարկի մասին
- 20:47 04.12.2024
Հայաստանի իշխանություններին ընդհանրապես պետք չէ որևէ պատերազմ Ադրբեջանի հետ, ասել է Նիկոլ Փաշինյանը խորհրդարանում Կառավարության հետ հարց ու պատասխանի ժամանակ՝ մեկնաբանելով ադրբեջանական լրատվամիջոցների այն հրապարակումները, թե իբր Հայաստանի իշխանությունները ցանկանում են կարճ պատերազմ սկսել՝ սեփական ներքաղաքական դիրքերն ամրապնդելու համար։
Այս հրապարակումները մեկ բան են ցույց տալիս՝ կան ուժեր, որոնք շահագրգռված են տարածաշրջանային իրավիճակի ապակայունացմամբ։ Հայաստանի խնդիրն է չտրվել որևէ սադրանքների և անխոնջ բացատրել իր դիրքորոշումը, ասաց Փաշինյանը։
«Մենք, ըստ էության, քաղաքական մակարդակով և նույնիսկ որոշ չափով իրավական մակարդակով, Ալմա-Աթայի հռչակագրի հիման վրա հայտարարել ենք տարածքային ամբողջականության փոխադարձ ճանաչման մասին… Շուտով մենք պետք է սկսենք սահմանազատման գործընթացը սահմանի հաջորդ հատվածում»,- ասաց նա՝ չնշելով կոնկրետ տարածքը։
Նա ակնկալում է ակտիվացնել ջանքերը՝ համաձայնեցնելու խաղաղ պայմանագրի նախագիծը՝ ասելով, որ աշխատանքի 90%-ն արդեն արված է։ Մնում է միայն վերջին ջանք գործադրել: