“Պայմանագրում կարող է լինի ադրբեջանցիների “վերադարձը”՝ ինքնավարությամբ հանդերձ”

ԱԺ ճեպազրույցների ժամանակ «Հայաստան» խմբակցության պատգամավոր Արթուր Խաչատրյանն ասաց, որ իր կածիքով՝ այսպես կոչված «ադրբեջանցի փախստականների» հարցը կա ՀՀ իշխանության օրակարգում։

«Ինֆորմացիոն հոսքերը վերլուծելով, այո, ձեւավորվում է այդ համոզմունքը, որ այդ հարցը կա։ Ալիեւը նույնիսկ ասել է՝ Երեւանի կենտրոնում ադրբեջանցիներ էին ապրում, պետք է վերադառնան, նկատի ունի Կոնդը։ Եթե Նիկոլ Փաշինայնը համարում է, որ Կիրանցի երեխաներն ավելի ապահով են, որ թուրքերն իրենցից մի 20 մետրի վրա են, հավանաբար ինքն էլ ուզում է իրեն ավելի ապահով զգալ, որ իր դաչայից 20 մետրի վրա էլի թուրքեր գան ապրեն»,- նշեց Խաչատրյանը։

Նա ասաց, որ Բաքվի հետ բանակցվող փաստաթուղթը իշխանությունները թաքնում են ժողովրդից, քանի որ դրանում ոչ հայանպաստ այլ կետեր կարող են մտցվել։ «Օրինակ՝ ադրբեջանցիները վերադառնան «Արեւմտյան Ադրբեջան» եւ ենթադրաբար ինքնավարություն ստանան։ Իսկ Հայաստանը պահանջ ներկայացնո՞ւմ է, Ադրբեջանը պատրա՞ստ է ասել, որ, այո, հայերը եթե վերադառնան Նախիջեւան՝ ինքնավար հանրապետության կարգավիճակով կվերադառնան, Լեռնային Ղարաբաղ՝ ինքնավար մարզի կարգավիճակով։ Ինքը միակողմանի պահանջների մասին է խոսում, այս իշխանությունները չեն ասում՝ դե լավ, եթե ադրբեջանցիները գալու են Կապան կամ Ջերմուկ ու Վարդենիս, մերոնք էլ պետք է վերադառնան Բաքու, Նախիջեւան, Շամխոր, Գանձակ։ Չկա, Հայաստանի իշխանության կողմից հայկական շահի պաշտպանությանն ուղղված որեւէ քայլ չենք տեսնում»,- ասաց Խաչատրյանը։