Փարիզի Աստվածամոր տաճարի բացման արարողությունը. «սև կարապը» կհեռանա՞

RFI

Փարիզի Աստվածամոր տաճարի բացման համար Օլիմպիական խաղերից հետո ստեղծված անվտանգության «բացառիկ» համակարգ կգործի, կիրակի օրը հայտարարել է Փարիզի ոստիկանության պրեֆեկտ Լորան Նունյեսը: Արարողությունը կտևի երկու օր՝ դեկտեմբերի 7-ին և 8-ին, որին կմասնակցեն տասնյակ ֆրանսիացի և արտասահմանցի արվեստագետներ, ինչպես նաև Ֆրանսիայի նախագահ Էմանուել Մակրոնը։ Բացմանը հրավիրված են արտասահմանյան երկրների ղեկավարներ։

Բացման արարողության առաջին օրը կսկսվի նախագահ Էմանուել Մակրոնի ելույթով տաճարի դիմացի հրապարակում, որին կհաջորդի պատարագի արարողությունը՝ չբացահայտված օտարերկրյա պետությունների ղեկավարների ներկայությամբ:

Կիրակի, դեկտեմբեր 8-ին, առավոտյան ժամը 10:30-ին, առաջին պատարագը տեղի պիտի ունենա 150 ֆրանսացի եւ օտար եպիսկոպոսների, ինչպէս նաեւ նախագահ Մակրոնի ներկայութեամբ։ Այդ օրը ժամը 18:30-ին կկատարվի հանրության համար բաց պատարագ։ Դեկտեմբերի 9-ից 15-ը Նոտր Դամում ծառայությունները նվիրված կլինեն բարերարներին և արվեստի հովանավորներին, ովքեր նվիրատվություն են արել տաճարի վերականգնմանը, ինչպես նաև Աստվածամոր տաճարի շրջանի բնակիչներին:

Սպասվում է, որ տաճարի բացմանը ներկա կլինեն մոտ հիսուն պետությունների ղեկավարներ։ Միայն հատուկ հրավիրված հյուրերը կկարողանան մուտք գործել հրապարակ և շենք՝ առավելագույնը 3000 մարդ։

2019 թվականի ապրիլի 15-ին տաճարը մասամբ ավերած հրդեհը, որի պատճառը դեռևս պարզված չէ, կարեկցանքի արձագանքներ է առաջացրել ամբողջ աշխարհում։ Շուրջ 700 միլիոն եվրո արժողությամբ հսկայական վերանորոգումից հետո գոթական արվեստի այս գլուխգործոցը վերականգնվել է, իսկ տանիքն ու գագաթը վերադարձվել են նույն վիճակոի:

Նոտր Դամի հրդեհն ամբողջ աշխարհում դիտվել էր որպես վատ նշան՝ սև կարապ: Իրոք, այդպես էր. կորոնավիրուսի համաճարակ բռնկվեց, Արցախում տեղի ունեցավ 2020-2023 թվականների ահաբեկչական պատերազմը, որն ավարտվեց բնիկ քրիստոնյա բնակչության տեղահանությամբ, Ուկրաինայի պատերազմը, որը շարունակվում է մինչ օրս, Մերձավոր Արևելքը գտնվում է արյունոտ «մասնատման» շեմին։ Արդյո՞ք Աստվածամոր տաճարի բացումը կքշի սև կարապին: