Գյումրիում վերաօծվեց Սուրբ Ամենափրկիչ եկեղեցին
- 18:27 07.12.2024
Գարեգին Բ Ամենայն Հայոց Կաթողիկոսի գլխավորությամբ Գյումրիում կատարվել է Հայ Առաքելական եկեղեցու Շիրակի թեմի Սուրբ Ամենափրկիչ եկեղեցու վերաօծման արարողությունը։
Այս առիթով Մայր Աթոռ Սուրբ Էջմիածնից տաճար բերվեց Սուրբ Խաչի մասունքը։
ՀԱԵ Շիրակի թեմի առաջնորդ Միքայել եպիսկոպոս Աջապանյանը նշեց, որ երկար տարիներ դեկտեմբերի 7-ը սգո օր էր. «Տաճարի բացումով, վերականգնումով, վերաօծմամբ փաստում ենք, որ Գյումրին վերածնվում է։ Քաղաքը հողից չհավասարեցվեց, չկործանվեց, քանի որ նրա բնակիչները հավատացին հարության հրաշքին»,- ասաց սրբազանը։
Գարեգին Բ Կաթողիկոսն իր հերթին նշել է, որ 1988 թվականին ավերված 150-ամյա տաճարը վերաբացում է իր դռները երկրաշարժից 36 տարի անց։